Pa menaxherë, pa publicistë! Madonna në vitet ’80, përpara se të bëhej Mbretëresha e Pop-it

Në librin “Madonna Into the Groove: An Intimate Portrait of the Queen of Pop”, fotografi Ken Regan hap arkivin e tij të vitit 1985, duke sjellë për publikun fotografi të panjohura më parë të ikonës së muzikës pop.


Libri, i cili përmban 160 faqe dhe vjen në format të shtypur me kopertinë të fortë, e paraqet Madonnën në një nga periudhat më energjike dhe më të spikatura të karrierës së saj. Fotot janë realizuar gjatë një dite të muajit shkurt në Los Angeles, ndërsa publikimi shoqërohet edhe me një tekst biografik të gazetarit Tomás Mier.


Pjesa më e madhe e fotografive publikohet për herë të parë, duke i ofruar lexuesit një vështrim nga afër, prapaskenave të jetës dhe karrierës së Madonnës, në një moment kur ajo po arrinte kulmin e suksesit dhe po konsolidohej si një prej figurave më të fuqishme të muzikës botërore.








