Pse stresi mund të shkaktojë fryrje të barkut?

Kur je në një gjendje emocionale të vështirë, shpesh nuk ndihesh mirë as fizikisht. Edhe pse mund të duket e çuditshme, stresi mund të shoqërohet me fryrje të barkut dhe probleme të tjera të tretjes, edhe nëse ushqimi yt nuk ka ndryshuar aspak.

Ekspertët shpjegojnë se kjo lidhet me boshtin zorrë-tru, një lidhje e ngushtë mes sistemit nervor dhe sistemit tretës. “Zorra jonë është si një tru i dytë dhe ndikohet shumë nga sistemi nervor,” thonë specialistët e të ushqyerit.

Pse stresi shkakton fryrje?

Kur trupi është nën stres, aktivizohet gjendja “lufto ose ik”. Në këtë gjendje, trupi lëshon hormone stresi dhe energjia largohet nga sistemi tretës drejt muskujve. Si rezultat: tretja ngadalësohet, ushqimi qëndron, më gjatë në stomak, krijohet më shumë gaz. Në disa raste, stresi mund të shkaktojë edhe dhimbje barku ose diarre.

Çfarë mund të bësh për ta përmirësuar

Ekspertët rekomandojnë teknika për uljen e stresit, si frymëmarrja e thellë, pushim i vërtetë gjatë drekës, jo ngrënie e nxituar para kompjuterit, zgjedhje ushqimesh më të lehta për tretje, si supa ose smoothie, shmangje e pijeve me gaz dhe ushqimeve që rrisin fryrjen, mos përdorimi i pipave ose çamçakëzit që shtojnë ajër në stomak dhe përtypje më e ngadaltë e ushqimit.