Ky është sekreti i Nicole Kidman për një mendje të qetë në moshën 58-vjeçare
Aktorja e njohur hollivudiane Nicole Kidman ka zbuluar rutinën që e ndihmon të ruajë ekuilibrin emocional dhe mirëqenien mendore në moshën 58-vjeçare. Fituesja e çmimit Oscar thotë se sekreti i saj nuk lidhet vetëm me kujdesin për trupin, por edhe me qetësinë e mendjes.
“Meditoj, lutem dhe besoj te frymëmarrja”, u shpreh Kidman në një intervistë për revistën People, duke treguar se këto praktika janë bërë pjesë e pandashme e jetës së saj të përditshme. Ajo zbuloi gjithashtu se praktikon joga, mbështetet te njerëzit e afërt dhe nuk heziton të kërkojë një përqafim kur ka nevojë.
Aktorja tregoi se para eventeve të mëdha, si ceremonia e Oscar-ve, viziton një kishë për t’u ndier më e qetë dhe e përqendruar.
Rrëfimi i Nicole Kidman vjen në një kohë kur meditimi, frymëmarrja e ndërgjegjshme dhe praktikat e mirëqenies emocionale po fitojnë gjithnjë e më shumë popullaritet, duke u kthyer në zakone të përditshme për miliona njerëz në mbarë botën.
