Ja sa do të kushtojë Chopard Imperiale Four Seasons

Shtëpia zvicerane e luksit Chopard ka zbuluar modelin e ri Imperiale Four Seasons, një orë që ndërthur mjeshtërinë artizanale me teknologjinë e avancuar për të sjellë katër stinët në kyçin e dorës.

Në qendër të saj ndodhet një disk prej guacke “mother-of-pearl” që ndryshon gradualisht ngjyrat përgjatë 365 ditëve, duke pasqyruar kalimin nga pranvera në dimër. Kutia prej ari të bardhë 18-karatësh, e zbukuruar me diamante, dhe detajet si lulja e lotusit i japin orës një elegancë të veçantë.

E pajisur me mekanizmin in-house L.U.C 96.31-L, me rezervë energjie 65 orë, kjo orë vjen me katër rripa alligatori të ndërrueshëm për secilën stinë. Vetëm 25 copë do të prodhohen, me çmim rreth 103,000 euro, të disponueshme ekskluzivisht në butikët Chopard.