Xheneta zbulon përballjen me Gjestin pas finales së BBV

Raporti i Gjestit dhe Xheneta Fetahu vazhdon të tërheqë vëmendje edhe pse fituesi i BBVA 4, ka shprehur se nuk do të ketë më asnjë kontakt me modelen pas përfundimit të marrëdhënies së tyre.

Sipas burimeve të afërta, ish-çifti ka pasur një takim të rastësishëm në ambientet e Top Channel, ku Xheneta punon aktualisht. Në një intervistë në emisionin “E Diell”, ajo sqaroi se takimi ishte tërësisht i rastësishëm dhe se nuk kishte pasur asnjë komunikim mes tyre, përveç shkëmbimit të disa shikimeve. Këngëtari pejan, i shoqëruar nga roje sigurie, nuk kishte ndonjë ndërveprim tjetër me Xhenetën.

Modelja theksoi se nuk ka dëshirë të ketë më përballje me Gjestin dhe do të vazhdojë të përqendrohet në angazhimet e saj profesionale. Ndërkohë, Gjest po shijon lidhjen e tij të re me Egli Takon, e cila po zhvillohet në një atmosferë më private, larg spekulimeve të mediave.