Në moshën 62-vjeçare, Demi Moore nuk kërkon më reflektimin e përsosur në pasqyrë — por ndjenjën e qetësisë brenda vetes. Në një intervistë për People, aktorja e filmit “The Substance” ka rrëfyer një rrugëtim të gjatë dhe shpesh të dhimbshëm drejt pranimit të vetes. Jo, ajo nuk ka qenë gjithmonë gruaja e qetë, elegante dhe e vetëbesuar që duket sot.
«Isha e fiksuar me pamjen. Bëja çmenduri, si të pedaloja me biçikletë nga Malibu deri te Paramount Studios – gati 40 kilometra – vetëm për t’u dukur mirë», rrëfen ajo. Si shumë gra, Demi për vite me radhë e identifikoi vlerën e vet përmes trupit. Por sot, thotë se prioriteti i saj është shëndeti, jetëgjatësia dhe cilësia e jetës: një evoluim i brendshëm drejt dhembshurisë për veten.
Ajo flet me një ndershmëri që ndalon kohën. Rrëfen për fëmijërinë e trazuar përkrah një nëne alkoolike dhe sesi kjo e ka formësuar në rolin e saj si nënë. «Për vite të tëra, çdo veprim i imi ishte i motivuar nga një dëshirë: që vajzat e mia të mos përjetonin asnjë nga traumat që unë kam kaluar». Dhe kështu nisi transformimi i saj, jo për t’u dukur, por për t’u ndier më mirë — për t’u bërë një version më i shëndetshëm, më i qetë, më i ndjeshëm i vetes.
Ka gra që duken të pathyeshme. Dhe ka gra që janë. Jo ngaqë nuk thyhen, por sepse i mbledhin copat me dashuri dhe guxim. Demi Moore është një prej tyre. E nuk ka asgjë më të bukur se një grua që në vend të një pasqyre, zgjedh paqen.
View this post on Instagram
