Gerta Gixharit reagon për herë të parë pas eleminimit

Gerta Gixhari përfundoi aventurën e saj në “Big Brother VIP Albania” në gjysmëfinale duke mos prekur finalen e madhe.

Pas eleminimit ajo e ka cilësuar eksperiencën si një fitore në vetvete, falë dashurisë dhe mbështetjes së publikut. Në një postim në Instagram, moderatorja u shpreh mirënjohëse për gjithë mbështetjen.

“Pas një udhëtimi të gjatë dhe të paharrueshëm në “Big Brother VIP”, dola nga shtëpia me zemrën plot mirënjohje. Faleminderit secilit prej jush që më keni përkrahur, që më keni qëndruar pranë me fjalët, votat dhe dashurinë tuaj. Kjo përvojë do të ishte krejt ndryshe pa mbështetjen tuaj të jashtëzakonshme. Ju jeni forca dhe frymëzimi që më kanë mbajtur të fortë deri në fund”, shkruan ajo ndërsa falenderon veçanërisht edhe produksionin që i dha mundësinë të ishte pjesë e formatit.

Për Gertën, ndonëse loja në “BBVA” mori fund, ajo thekson se ka fituar më të rëndësishmen: dashurinë e publikut.