Tensionet mes anëtarëve të familjes mbretërore ishin veçanërisht të larta gjatë kurorëzimit të Mbretit Charles III në maj të vitit 2023, zbulon lexuesi i buzëve Jeremy Freeman.
Sipas Freeman, Princ Harry thuhet se ka shprehur hapur pakënaqësinë e tij për mënyrën se si është trajtuar nga familja, teksa ishte ulur pranë bashkëshortit të kushërirës së tij, Princeshës Eugenie, Jack Brooksbank.
“Jam lodhur me mënyrën se si më trajtojnë,” ka thënë, sipas raportimit të The Sun, Duka i Sussex, 40 vjeç. “Nuk është një situatë ideale.”
Brooksbank i është përgjigjur: “Nuk është jetë e qetë, apo jo?”
Edhe pse kjo pjesë nuk është kapur në videon e publikuar nga media, Freeman pretendon se Harry ka tundur kokën dhe ka shtuar: “Nuk ju intereson.”
“S’kam kohë për këtë,” është përgjigjur Brooksbank. “Jo nëse ka marrë fund…”
Harry thuhet se e ka ndërprerë duke thënë: “Është e pashmangshme.”
Edhe pse Harry nuk përmendi emra konkretë, besohet se ai i referohej përçarjes së vazhdueshme me të atin, Mbretin Charles, dhe vëllain e tij, Princin William. Konflikti mes tyre daton që nga viti 2016, kur Harry filloi lidhjen me Meghan Markle.
Situata është përkeqësuar më tej pas vitit 2020, kur çifti hoqi dorë nga detyrat mbretërore dhe u vendos në Kaliforni.
Në librin e tij “Spare”, të publikuar në vitin 2023, Harry ndau shumë nga dramat dhe tensionet brenda familjes mbretërore. Më parë, në intervistën bombë me Oprah Winfrey në vitin 2021, ai dhe Markle zbuluan më shumë rreth marrëdhënieve të vështira me Williamin dhe Charlesin.
Siç është raportuar më parë, çifti Sussex ka tentuar të pajtohet me Charlesin, por ende nuk është arritur një marrëveshje.
Pjesëmarrja e Harry-t në kurorëzim ishte hera e parë që ai u fotografua sërish me pjesën tjetër të familjes mbretërore, që nga vizita e tij pas vdekjes së gjyshes, Mbretëreshës Elizabeth II.
