Ka kohë që emri i Kanye West nuk lidhet më me muzikën, por me skandalet. Dhe nëse menduat se situata nuk mund të përkeqësohej më shumë… ai sapo publikoi një këngë të re ku konfirmon se gruaja e tij, Bianca Censori, është larguar prej tij — e tmerruar nga sjellja e tij në rrjetet sociale.
Në këngën “BIANCA” nga albumi i ri WW3, reperi 47-vjeçar rrëfen se arkitektja australiane ka pasur një krizë paniku për shkak të mesazheve të tij të pashpjegueshme në platformën X.
“Bebi im iku / Por më parë u përpoq të më çonte në psikiatri / Nuk po shkoj në spital, se s’jam i sëmurë – thjesht s’e kuptoj,” — këndon ai.
Ai vazhdon duke thënë:
“Po pëson një krizë paniku / S’i pëlqen mënyra si shkruaj në Twitter / Derisa të kthehet Bianca, nuk fle, nuk e di ku ndodhet.”
Por pjesa më alarmante?
Ye pranon se po e ndjek Biancën përmes aplikacionit të Maybach-ut:
“Po e ndjek k***n time me një app / Ajo hipi në makinë dhe iku / Nuk më kupton më.”
Në këngë, ai godet edhe familjen e Biancës, duke thënë se duan ta shohin të mbyllur në një klinikë:
“Ata duan që unë të iki në klinikë/ Duan të më shohin të larguar.”
West shkon më tej duke krahasuar veten dhe Biancën me çiftin e shumëpërfolur Cassie dhe Diddy, të cilët u bënë tituj lajmesh pas padive për dhunë seksuale dhe përdhunim ndaj Combs – akuza që e çuan Diddyn drejt hetimeve dhe arrestimit.
“Besoj jemi Cassie dhe Diddy i ri / Po e bëj këtë këngë për Biancën / Ndjej shpirtin e Dondës,” – thotë Kanye, duke përmendur nënën e ndjerë.
Në fund të këngës, ai i lutet Biancës të kthehet:
“Bianca, vetëm dua të kthehesh / E di çfarë kam bërë që të tërbohesh.”
Çfarë ndodhi mes tyre?
Çifti u martua në 2022, por marrëdhënia nisi të përkeqësohej kur Kanye projektoi për Biancën një fustan plotësisht transparent për ceremoninë e Grammy-ve 2025 – që tronditi opinionin publik.
Pavarësisht se ajo qëndroi përkrah tij edhe kur ai deklaroi publikisht se kishte “kontroll mbi të”, burimet thonë se ajo “kishte arritur kufirin” dhe u largua në shkurt.
