Në zemër të Tiranës, aty ku ritmi i jetës urbane takohet me artin dhe stilin, më 3 Prill, Class by AV sjell një event unik që premton të jetë kryefjala e sezonit: “Match Your Dress with the Cocktail”.
Eventi do të zhvillohet në një nga hapësirat më trendy të Tiranës, “Aty te Piramida”, ku muzika, moda dhe koktejet e kuruara me kujdes do të ndërthuren për të sjellë një atmosferë unike. Ideja? Një lojë elegante mes ngjyrave të veshjes dhe shijeve të koktejve, një sfidë për ata që e shohin stilin si një mënyrë të rafinuar të të jetuarit.
Për ata që do të jenë pjesë e një nate të mbushur me energji, ky event ofron një përvojë ku çdo pjesëmarrës është protagonist. Koktejet e përzgjedhura janë konceptuar për të reflektuar stilin e të ftuarve, duke krijuar një harmoni mes veshjes dhe shijes.
Në këtë natë të veçantë do të jenë të pranishëm emra të njohur të botës së modës dhe lifestyle-it, si Paola Kotorri, Anxhelina Kotorri, Estela Ujka, Odeta Banushaj, Iva Kalemi, Ledia Fazlli, Armela Shabi, dhe shumë të ftuar të tjerë.
Përveç elegancës dhe koktejve të rafinuar, eventi do të jetë i shoqëruar nga një set muzikor nga DJ-të më të mirë, duke i dhënë natës ritmin e duhur për të krijuar kujtime të paharrueshme.
Në bashkëpunim me Revistën Who, kjo mbrëmje premton të jetë një festë e stilit dhe një mundësi për të qenë pjesë e një eksperience të paharrueshme.
