Kanye West duket se ka gjetur një fushë të re beteje—tashmë jo vetëm me botën, por edhe me ish-bashkëshorten e tij, Kim Kardashian. Konflikti mes tyre është ndezur pas publikimit të këngës “Lonely Roads Still Go to Sunshine”, ku reperi ka përfshirë vajzën e tyre North West, pa miratimin e Kim-it.
Në një postim në X, Kanye shkroi:
“BURRI E THOTË FJALËN E FUNDIT.”
Një ditë më parë, ai ndau një bisedë private me Kim, ku ajo shprehte kundërshtimin e saj për përdorimin e zërit të North në këngë. Ajo i kërkonte Kanye-t të mos e përfshinte vajzën e tyre, veçanërisht në një projekt të lidhur me Sean “Diddy” Combs, i cili aktualisht ndodhet në burg me akuza për trafikim seksual dhe krim të organizuar.
Në mesazhet e publikuara nga Kanye, Kim thekson se ajo ka të drejtën ekskluzive mbi markën tregtare të emrit të North, duke e mbrojtur atë nga shfrytëzimi komercial derisa të mbushë 18 vjeç.
“Të lutem ndalo. Kur ajo të bëhet 18, vendimi do të jetë i saj. Deri atëherë, unë do ta mbroj.” – shkruante Kim.
Por Kanye nuk u tërhoq dhe i dha një ultimatum:
“Ndryshoje ose po shkojmë në luftë. Dhe asnjëri prej nesh nuk do të mbijetojë nga pasojat publike.”
Pas kësaj, Kim i dërgoi një letër ligjore për ndalim të menjëhershëm të këngës, duke i kërkuar që të mos e publikonte atë. Sipas TMZ, Kanye kishte premtuar se nuk do ta nxirrte, por më pas ndryshoi mendje, duke sfiduar edhe një herë kufijtë e marrëdhënies së tyre pas divorcit.
