Viti 2025 do të shënojë një periudhë që feston jo vetëm projekte masive infrastrukturore, por edhe dizajne më të qëndrueshme. Disa nga projektet më të spikatura të vitit përfshijnë përpjekje për të kombinuar estetikën moderne me angazhimin për mbrojtjen e mjedisit, duke i dhënë hapësirë edhe krijimtarisë në shkallë më të vogël.
Tregu i peshkut në Sidnej
Një nga projektet më të rëndësishme është Tregu i peshkut në Sidnejt, një ndërtim modern që do të zëvendësojë tregun e vjetër të peshkut të qytetit. Me një dizajn të veçantë nga 3XN dhe BVN, ky treg do të shërbejë për turistët dhe shitësit e peshkut me një përvojë sensoriale. Pjesa e sipërme do të ketë një çati të dallueshme me 350 panele diellore, duke kontribuar në energjinë e rinovueshme të objektit.
Grand Ring në Osaka
Grand Ring, një strukturë prej druri që do të shërbejë si qendër e Expo 2025 në Osaka, është një tjetër projekt që do të tërheqë vëmendjen ndërkombëtare. Ky është një projekt që përdor drurin e vendit, duke pasqyruar kulturën tradicionale japoneze dhe duke qenë një nga ndërtesat më të mëdha të drurit në botë.
Ndërtesa "Life and Mind" në Oxford
Për Universitetin e Oxfordit, Life and Mind Building është projekti më i madh në historinë e saj, duke bashkuar departamentet e psikologjisë eksperimentale dhe biologjisë. Ky projekt bashkon estetikën moderne me historinë arkitekturore të universitetit, me një fasadë prej guri dhe detaje që e bëjnë atë një ndërtesë moderne, por që respekton traditën.
Shkolla Kanadeze në Cholula, Meksikë
Në Cholula, Meksikë, Shkolla Kanadeze është një shembull i arkitekturës organike që harmonizohet plotësisht me peizazhin përreth. Me shtresa të ngjashme me kodrat dhe pamje nga vullkani Popocatépetl, kjo shkollë ka një dizajn që e bën ndërtesën një pjesë të natyrës dhe një vend ideal për të mësuar dhe eksploruar.
Aeroporti Ndërkombëtar Techo në Phnom Penh
Për të mbështetur rritjen e turizmit dhe trafikut ajror, Aeroporti Ndërkombëtar Techo në Phnom Penh, Kamboxhi, është një projekt ambicioz që do të mundësojë kapacitetin për deri në 30 milion pasagjerë. Dizajni i tij është i frymëzuar nga arkitektura tradicionale kamboxhiane dhe ka një strukturë të mbështetur nga "pemë" druri, duke sjellë një lidhje të thellë me natyrën dhe duke e bërë këtë objekt një nga më ekologjikët në rajon.
