Xheneta Fetahu ka shfaqur mbështetjen e saj ndaj Eglit, pas daljes së papritur të kësaj të fundit nga 'Big Brother VIP Albania'.
Xheneta theksoi se nuk mund të mbetet indiferente ndaj dhimbjes së Eglit, ndonëse në fillim, kishte menduar se Eglit po luante.
“Shpresoj që po e merr veten shumë shpejt dhe po rikthehet në jetën e saj. Nuk jam e lumtur për situatën e saj dhe se si ndihet ajo. Tek e fundit, është femër dhe më vjen keq që është kaq e lënduar,” deklaroi Xheneta.
"Kam menduar që ishte një lojë, por tani që shoh si po ndihet ajo, është e qartë se jashtë është më e vështirë ta dallosh ndjesinë e dikujt. Mendoj që nuk ka qenë e drejtë që ai ta ulte gjithmonë atë femër."
