Një Natë Legjendare Muzike më 2 Maj 2025, në Pallatin e Kongreseve
TIRANË – Bryan Adams, një nga artistët më të dashur dhe me ndikim të madh në historinë e muzikës rock, vjen për herë të parë në Shqipëri me koncertin e tij të veçantë Bare Bones. Ky event ekskluziv, që do të mbahet në 2 maj 2025 në Pallatin e Kongreseve, premton një natë të paharrueshme me muzikën që ka shoqëruar breza të tërë.
“Jemi jashtëzakonisht të emocionuar që sjellim Bryan Adams për herë të parë në Shqipëri. Ky koncert nuk është vetëm një event muzikor, por një moment historik për industrinë e argëtimit në vend. Presim që publiku shqiptar të përjetojë një natë të paharrueshme me një nga artistët më të mëdhenj të të gjitha kohërave.” – u shpreh Z. Klodian Makashi, themeluesi i RedCloud, kompania e cila mundëson pikërisht organizimin e këtij eventi.
Një Artist Ikonik, Një Tingull i Përjetshëm
Me një karrierë mbi katër dekada, Bryan Adams ka arritur famën globale, duke kryesuar klasifikimet muzikore në mbi 40 vende dhe duke fituar çmime prestigjioze, përfshirë një Grammy, American Music Awards dhe nominime të shumta për Academy Award dhe Golden Globe. Nga klasiket si Summer of '69, Heaven, (Everything I Do) I Do It for You dhe Run to You, fansat do të shijojnë një mbrëmje të mbushur me nostalgji muzikore.
Një Format Special i Koncertit – Eksperienca Bare Bones
Bare Bones Concert është një mundësi e rrallë për të përjetuar Bryan Adams në një performancë intime, duke e shfaqur zërin dhe rrëfimin e tij përmes një interpretimi akustik. Ky format ka magjepsur audiencat në mbarë botën dhe tani vjen në Tiranë për një natë të vetme.
Detajet e Eventit
Data: 2 Maj 2025
Vendndodhja: Pallati i Kongreseve, Tiranë
Biletat në dispozicion në: www.vivere.al
Mundësi Ekskluzive për Sponsorizime dhe Partneritete Mediatike
Ky event shumë i pritur do të jetë një nga koncertet më të mëdha të vitit në Shqipëri, duke tërhequr dashamirës të muzikës, influencues kulturorë dhe të ftuar VIP. Një numër i kufizuar i mundësive të sponsorizimit dhe partneritetit mediatik është në dispozicion për markat që dëshirojnë të jenë pjesë e këtij eventi historik. Kjo është një mundësi unike për kompanitë që duan të lidhin imazhin e tyre me një figurë të njohur dhe të respektuar globalisht si Bryan Adams, duke përfituar nga prestigji dhe ndikimi i tij i jashtëzakonshëm. Sponsorët do të përfitojnë nga ekspozimi premium i markës, angazhimi i drejtpërdrejtë me audiencën dhe vizibiliteti maksimal gjatë gjithë periudhës përpara fillimit të eventit. Të interesuarit mund të kontaktojnë në: [email protected]
Ndërkohë, për më shumë informacion, vizitoni www.vivere.al ose ndiqni kanalet tona të mediave sociale @redcloud.al për përditësime.
Bashkohu dhe ti për një natë muzike të përjetshme me Bryan Adams – një event që nuk duhet humbur!
