Si përfundim, Salsano Rrapi do jetë sërish prezantues i “Portokalli”

Salsano Rrapi do të vazhdojë të jetë pjesë e programit të humorit "Portokalli".

Në emisionin "Ndryshe" me Salsano Rrapin dhe Elona Duron, të ftuar ishin aktorët dhe moderatorët e "Portokalli"-së, ku u diskutua edhe për pjesëmarrjen e Kiarës Tito si prezantuese, çka kishte ngritur dyshime për vendin e Salsanos.

Aktori Marin Orhanasi pyeti me humor nëse Salsano ishte larguar nga emisioni, dhe përgjigjja e Salsanos ishte një konfirmim i qartë se ai do të vazhdojë të jetë pjesë e programit, gati për një tjetër sezon të suksesshëm.

"Si qëndron e vërteta e këtyre thashethemeve", pyeti Marini Salsanon: Po më çojnë mesazh nga Librazhdi, e kanë hequr Salsanon nga puna?

Ja se si përgjigjet Salsano: "Çfarë kanë bërë? Më kanë hequr?"