Për modelin e ri të thonjve duhet të frymëzoheni nga Hailey Bieber

A jeni gati për vjeshtën? Nëse po mendoni se çfarë modeli thonjsh të zgjidhni për muajt e ardhshëm, Hailey Bieber ka frymëzimin e përsosur për një pamje vjeshtore: thonjtë e saj të gjatë, të hollë, të lyer me një ngjyrë si shurup panje. E gjithë kjo bëhet edhe më tërheqëse dhe elegante falë një manikyri me shkëlqim lart, aq të preferuar nga modelja amerikane. Dhe menjëherë lind trendi "Maple Syrup Nails".

Pasi thonjve "Glazed Doughnut", me thonj të lyer me shkëlqim që frymëzohen nga ëmbëlsirat e njohura amerikane, tani, në prag të vjeshtës, Hailey Bieber ka zgjedhur një nuancë të re. Një zgjedhje perfekte për stinën e ftohtë, kur ngjyrat e frymëzuara nga çokollata, gështenjat, gjethet e vjeshtës dhe erëzat bëhen të preferuara. Ngjyra "maple syrup" përfaqëson një përzierje të artë të mjaltit të akacies dhe ngjyrës së ngrohtë kanelle. Për të krijuar këtë ngjyrë (që tashmë është virale në rrjetet sociale), artistja e thonjve, Zola Ganzorigt, ka përdorur pesë ngjyra të ndryshme. Rezultati është ndarë në llogarinë e saj në Instagram.