Armando Broja prezantohet te Evertoni me 'shqiponjë': Më pëlqen të shënoj gola

Armando Broja u prezantua sot te Evertoni. Gjatë video së prezantimit Broja shfaqet i qeshur si dhe nuk harron të bëjë shqiponjën me dorë. Për faqen e klubit ai tha se i pëlqen të vrapojë dhe të ndihmojë ekipin.

"Mendoj se jam një lojtar mjaft i shpejtë. Më pëlqen të vrapoj dhe të jem agresiv. Natyrisht, më pëlqen të shënoj gola dhe dua të ndihmoj skuadrën në maksimum", tha Broja mes të tjerash.

22-vjeçari kaloi në formë huazimi nga Chelsea për një sezon, teksa Everton ka të drejtën e blerjes në fundin e sezonit për 30 milionë euro.

Armando kishte një ftesë nga Kombëtarja për Ligën e Kombeve, por një dëmtim do e mbajë jashtë deri në tetor, kohë kur do jetë i gatshëm edhe për Everton.