Fifi zbulon 'paktin e fshehtë' që bëri me Granit Canën para 'Big Brother VIP 1'
3 vite pas "Big Brother VIP 1", Fifi ka zbuluar se ka bërë një marrëveshje me Granit Cana përpara se të hynte në shtëpinë e famshme.
E ftuar në “Cherry On Top”, Fifi ka treguar se njiheshin jashtë shtëpisë dhe përpara se të bëheshin pjesë e garës bënë pakt që të shtireshin sikur do të lidheshin.Por, artistja ka treguar se në momentin kur u futën në shtëpi, ish-futbollisi nuk iu përmbajt marrëveshjes dhe i tha që “të shikoj si motër”.
“Para se të hyja në Big Brother kam bërë një marrëveshje me Granitin që të bënim sikur do të lidheshim brenda. Në ditën e dytë kur jam fut në shtëpi dhe më ka thënë që ty të shikoj si motër.
Njiheshim para se të hynim në BBV. Në fakt ne nuk e dinim se çfarë do të ndodhte me ne, a do të kishim atë shikueshmëri, nuk e dinim atë impakt. Etikën e kemi pasur në vend të parë. Thosha me vete “pse po më nxjerr ky sikur po vdes mbas këtij”, ndërkohë që kishim marrëveshje për të bërë lojë”, tha ajo.
