Kjo është gjoba që Shakira do t’i paguajë shtetit spanjoll për t’i shpëtuar burgut

Këngëtarja kolumbiane Shakira ka arritur një marrëveshje me prokurorin publik spanjoll për të zgjidhur çështjen e mashtrimi fiskal.

Këngëtarja ka rënë dakord për të paguar një gjobë prej 7.5 milionë eurosh dhe në këmbim do të shmangë rrezikun e burgut.

Ajo akuzohet se nuk ka paguar 14.5 milionë euro në tatimin spanjoll mbi të ardhurat midis viteve 2012 dhe 2014.

Si pjesë e marrëveshjes, ajo pranoi akuzat dhe një gjobë prej 50% të shumës së borxhit, më shumë se 7.3 milionë euro. Prokurorët kishin kërkuar ta burgosnin për tetë vjet dhe ta gjobisnin me 23.8 milionë euro nëse shpallej fajtore.

Por Shakira ka mohuar në mënyrë të përsëritur çdo keqbërje. Në një deklaratë ajo tha se vendosi në interes të fëmijëve të saj.