Sofia Richie me sa duket po rikthen trendin më të urryer të grimit
Një nga trendet më të përhapura të fillimit të viteve 2000 ka qenë grimi ultra-matt me bronzer të theksuar të shoqëruar me ‘concealer’ që përdoret si buzëkuq.
Edhe pse nuk pritej, Sofia Richie duket sapo e risolli këtë tendencë në 2023-shin!
Në një nga videot e saj të fundit në TikTok, ajo u tregoi mbi 3 milionë ndjekësve të saj kombinimin e buzëve për vjeshtë. Pasi përdori një shkëlqyes buzësh, ajo e përfundoi me atë që e quajti “qershia mbi tortë”, një sasi e vogël korrektori në mes të buzëve të saj.
“Kështu arrini këtë kombinim të bukur të buzëve ombre,” thotë ajo.
Aplikimi i një buzëkuqi më të lehtë në qendër të buzëve tuaja (apo në këtë rast, korrektorit) jep pamjen e buzëve më të plota. Sigurisht, aplikimi i korrektorit duhet të jetë i lehtë dhe pak në mes të buzëve, jo lyerja e plotë trendi Y2K.
Dhe duke marrë parasysh që Sofia e bëri trendin “old-money” të rikthehej fuqishëm në modë, nuk do të ishte aspak çudi që edhe ky trend do të përqafohet po njësoj.
