EmRata dhe Pete Davidson janë në një lidhje bashkë?
As nuk e kishim menduar ndonjëherë, por ja që ndodhi! Thuhet se Pete Davidson dhe Emily Ratajkowski – e cila kohët e fundit ka qenë e lidhur me Brad Pitt – po dalin bashkë. Spekulimet lindën pasi dyshja u panë shumë pranë me njëri-tjetrin gjatë një nate në Nju-Jork.
Llogaria e thashethemeve në Instagram Deux Moi, ndau një screenshot nga një ndjekës anonim:
"Nuk mund ta besoj që po e them këtë. EmRata dhe Pete Davidson në një takim në Brooklyn së bashku. Duke mbajtur duart... duart e tij ishin mbi të dhe ata qartësisht po frekuentohen."
Edhe pse nuk ka asnjë konfirmim nga 28-vjeçari Pete ose 31-vjeçarja Emily për thashethemet, lidhja mes tyre mund të jetë e vërtetë, duke pasur parasysh se të dy janë beqarë.
Siç e dimë të gjithë, Pete dhe Kim Kardashian u ndanë në fillim të këtij viti. Ndërkohë, Emily u nda nga bashkëshorti i saj regjisor prej katër vitesh, Sebastian Bear-McClard, në shtator të këtij viti, pas pretendimeve se ai e kishte tradhtuar modelen.
