Kur duhet ta përdorni kremin kundër diellit tek fëmijët

Kremi kundër diellit mund të përdoret tek bebet më të mëdha se 6 muaj. Për bebet më të vegjël se 6 muaj përdorni forma të tjera të mbrojtjes kundër diellit.

Mënyra më e  mirë për t’i mbrojtur bebet është t’i mbani ata në hije sa më shumë të jetë e mundur. Për më tepër, vishini fëmijët tuaj me rroba që i mbrojnë, një kapele me strehë, syze. Por sigurohuni që të mos i vishni trashë pasi u bën vapë. Ju mund t’i hapni një tendë apo një çadër për ta mbrojtur nga dielli fëmijën tuaj.

Nëse fëmija juaj është më i madh se 6 muaj, është e rekomandur të përdoret kremi kundër diellit. Zgjidhni një krem kundër diellit  me mbrojtje të gjerë me SPF të paktën 30. Aplikoni në të gjithë trupin e ekpozuar të bebes dhe riaplikojeni çdo 2 orë ose më shpesh nëse fëmija po rri në ujë.

Për të shmangur irritimin e lëkurës dhe syve të foshnjës, përdorni një mbrojtës dielli që përmban oksid zinku ose dioksid titaniumi.