Opinionisti i njohur i “Për’puthen”, Arjan Konomi, i është ushtruar një ndërhyrjeje kirurgjikale, nga e cila, për fat të mirë ka shpëtuar krahun, të cilin mund ta humbte.
Në një video që ka ndarë me të gjithë miqtë virtualë në Instagramin e tij, Konomi tregon se një ditë më parë i është nënshtruar një ndërhyrjeje delikate në krah, të cilin, për pak desh e ka humbur.
“Siç po më shikoni, ndodhem në kushte jo të mira. Dua të ndaj me ju një fatkeqësi që më ndodhi. Në spitalin e Amanit, dje kam bërë një ndërhyrje kirurgjikale të krahut tim, të cilin për pak desh e humba. Për fat të mirë, ka shpresë akoma që ta kem. Nuk di se ç’t’ju them tjetër, por nëse ju kam munguar tani, është për këtë arsye”.
Arjani nuk ndalet në detaje, nëse kjo ngjarje fatkeqe ka ardhur si pasojë e ndonjë aksidenti apo pasojë e ndonjë problemi tjetër shëndetësor.
Urojmë shërim sa më të shpejtë e rikthim pranë publikut të tij.
