‘Sa shumë shpresë që pate’, personazhet e njohur, mesazhe ngushëllimi për Vjosa Berishën
Lajmi për ndarjen e parakohshme nga jeta të regjisores dhe producentes së njohur Vjosa Berisha I ka trishtuar të gjithë. Regjisorja ndodhej në një spital të Londrës, ku po kurohej për kancerin në vezore prej më shumë se një viti.
“Me pikëllim të thellë bëjmë të ditur se e dashura jonë Vjosa Berisha ndërroi jetë, sot me datë 23 qershor në spitalin University College Hospital në Londër”,- shkroi bashkëshorti I Vjosës, Fatos Berisha në llogarinë e tij.
Reagime, mesazhe ngushëllimi dhe foto me artisten kanë pushtuar rrjetin. Të gjithë miqtë, ata që e njohën nga afër, por edhe nga larg, nuk reshtën së shkruari fjalë zemre për këtë humbje të trishtë. Mes dhjetëra mesazheve të ngushëllimit, ishin edhe Erion Veliaj, Arbana Osmani, Dafina Zeqiri, Olta Gixhari, Jonida Vokshi e Besnik Krapi e shumë të tjerë.
“Linde si dielli dhe mbete lart në qiell për të mos perënduar asnjëherë! Do na mungosh shumë! Lamtumirë Vjosa jonë e dashur” – shkruan Erion Veliaj.
Edhe Arbana Osmani ka ndarë me të gjithë bisedën e fundit që ka shkëmbyer me Vjosën, e cila vazhdonte të kishte shpresë për jetën, edhe në ditët e saj të fundit.
