Tërmeti me magnitudë 6.1 godet Afganistanin, raportohen qindra viktima

Një tërmet me magnitudë 6.1 ka goditur Afganistanin juglindor duke vrarë të paktën 255 persona, sipas agjencisë zyrtare të lajmeve të vendit.

Tërmeti goditi vendin në mëngjesin e së mërkurës me epiqendrën e tij pranë qytetit Khost në jug të kryeqytetit, njoftoi Shërbimi Gjeologjik i SHBA-së.

Të paktën 255 njerëz u vranë dhe 155 të tjerë u plagosën në distriktet Barmala, Ziruk, Naka dhe Gayan të provincës Paktika, tha agjencia e lajmeve Bakhtar e Afganistanit sot në mëngjes. Ekipet e shpëtimit po dërgoheshin me helikopter në zonat e goditura.

Lëkundje të forta dhe të gjata u ndjenë në Kabul 200 km larg, sipas një banori që postoi në faqen e internetit të Qendrës Sizmologjike Mesdhetare Evropiane (EMSC).

Fotografitë në mediat afgane dhe mediat sociale treguan shtëpi të rrënuara.

Vdekje u raportuan gjithashtu në provincat lindore të Khost dhe Nangarhar, tha Mohammad Nassim Haqqani, kreu i autoritetit të menaxhimit të fatkeqësive të administratës talebane. Bakhtar tha se zyrtarët lokalë kishin frikë se numri i të vdekurve mund të rritet nëse qeveria qendrore nuk ofronte ndihmë urgjente.

Departamenti i Meteorologjisë në Pakistanin fqinj e vlerësoi tërmetin me magnitudë 6.1 ballë.

Përditësim (ora 13:05): Të paktën 920 njerëz humbën jetën nga tërmeti dhe 600 u plagosën.

Burimi: The Guardian