Dalin fotot nga dasma e tretë e Kourtney Kardashian dhe Travis Barker
E treta e vërteta: Kourtney Kardashian dhe Travis Barker janë martuar përsëri!
Pas një ceremonie në Las Vegas në prill dhe një dasme intime në Kaliforninë Jugore më 15 maj, Kourtney dhe Travis u martuan në një ceremoni luksoze në natyrë në Portofino të Italisë dje, më 22 maj.
Ata i premtuan njëri-tjetrit dashuri të përjetshme në një altar të mbuluar me tapet të kuq në Castello Brown, një kështjellë e shekullit të 16-të. Të ftuar ishin miq e familjarë, përfshirë fëmijët e saj Mason, Penelope dhe Reign, si dhe fëmijët e Travis, Landon dhe Alabama. Asnjë nga ish-partnerët e çiftit nuk mori pjesë në dasmë.
Të pranishëm ishin edhe motrat e Kourtney-t, Kim Kardashian, Khloe Kardashian, Kendall Jenner dhe Kylie Jenner. E ëma Kris Jenner e shoqëroi atë në altar.
Kourtney dhe Travis fillimisht filluan të frekuentoheshin në fund të vitit 2020, por kanë qenë miq dhe fqinjë për vite me radhë.
Në tetor 2021, saktësisht një vit pasi ishin lidhur, Travis u ul në gjunjë dhe i propozoi Kourtney-t në një plazh në Montecito, Kaliforni.
