Nata e parë e Eurovizonit do të mbahet nesër, më 10 maj, në Torino dhe Ronela Hajati do të jetë artistja e parë që do të këndojë. Dje është zhvilluar ceremonia hapëse e Eurovizionit dhe artistja shqiptare shkaktoi reagime të shumta me veshjen që u paraqit në tapetin e kaltër.
Pamja e saj unike tërhoqi vëmendjen e të gjithëve dhe më shumë për këtë zgjedhje ka treguar Niko Komani gjatë një lidhjeje me Skype për emisionin “Wake Up”. Ai tha se bashkë me Ronelën kanë dashur të sjellin diçka ndryshe dhe të veçantë, dhe ai e ka parë si një vepër arti këtë veshje.
“Ngjan si mozaik i një kishe ortodokse. Është vendi i dashurisë. Tek printi janë flamujt e të gjithë shteteve. Kemi përfshirë të gjithë Eurozivionin në veshje. Kjo ishte një veshje më e mirëmenduar se të tjerat. Tregon dashurinë që Ronela ka për të gjithë. Kapela ka qenë e rëndë dhe ka pasur një bishtalec shumë të gjatë dhe të rëndë. Jam munduar të sjell trendet dhe tendencat më të fundit. Të gjitha veshjet janë shumë të guximshme”, -ka rrëfyer Niko.
Në fund, ai u ka bërë thirrje të rinjve jashtë Shqipërisë që ta votojnë Ronelën, sepse më në fund Shqipëria përfaqësohet në Eurovizion me një këngë ritmike që të rinjtë e kanë kënduar dhe e kanë kërcyer kudo.
View this post on Instagram
