Futbollisti shqiptar i jep fund martesës?
Futbollisti me origjinë shqiptare Mërgim Berisha nuk është në fazën e tij më të mirë dhe jo vetëm në fushën e blertë. Së fundi, Berisha është përfolur se po kalon një periudhë aspak të mirë edhe në jetën personale. Sipas mediave në Turqi, sulmuesi i Fenerbahçes duket se i ka dhënë fund martesës me Vesa Vllasaliun.
“Milliyet” shkruan se futbollisti i ka hequr të gjitha fotografitë që i kishte në Instagram me bashkëshorten e tij, madje edhe i ka bërë “unfollow” asaj.
Ndërsa Vesa, nga ana tjetër, ende nuk ka bërë ndonjë reagim për spekulimet e fundit.
Media të tjera sportive në Turqi raportojnë se vendimi ka qenë i njëanshëm nga ana e futbollistit.
Çifti ende nuk ka bërë asnjë deklaratë zyrtare për vendimin që mund të ketë marrë. Kjo mund të jetë edhe një krizë e momentit, shkruajnë më tej mediat, e cila mund të pasohet me një reagim publik të futbollistit.
