Përçarje mes motrave Libohova? Reagon Eranda pas lajmeve të fundit
Prej disa kohësh, motrat Libohova janë vënë në fokus të lajmeve për raportin e tyre. Flitet se prej vitesh, Eranda dhe Irma nuk flasin me njëra-tjetrën. Ndonëse në fillim u duk thjesht dhe vetëm një lajm i sajuar, fakti që as Irma dhe as Eranda nuk e ndjekin më njëra-tjetrën në Instagram shtoi dyshimet se marrëdhënia e tyre ishte krisur.
Por ajo që vërtet vuri krijoi bindje për këtë raport të shkëputur ishte mungesa e Irmës në muajin tetor, kur Eranda u vlerësua me çmimin prestigjioz “Mjeshtër i Madh” nga Presidenti Meta.
Jo vetëm mungesa fizike, por edhe ajo në rrjet ishte arsye që i bindi të gjithë se Irma dhe Eranda tashmë nuk flasin më me njëra-tjetrën.
Megjithatë, një postim i Erandës gjatë ditës së sotme është konsideruar edhe një reagim për lajmet që qarkullojnë prej kohësh. Në fakt, Eranda ka postuar një foto me Irmës, nga një concert ku motrat kanë qenë disa vite më parë.
Plot 6 vjet më parë, 27 dhjetorin e vitit 2015, motrat Libohova gëzonin fansat me muzikën e tyre. Si sot, vetëm nga vende të ndryshme dhe, ndoshta, me publik të ndarë.
