Komenti që nuk duhet t'ia bëni kurrë një gruaje shtatzënë

"Ke një bark shumë të vogël" "Ti dukesh e mahnitshme - nuk mund ta besoj sa e vogël dukesh akoma!"

Deena Margolin, një nga themelueset e Big Little Feelings, e cila është në pritje të fëmijës së saj të dytë, ka folur hapur për një temë që rrallëherë diskutohet.

“Më mërzit çdo herë”, shkroi ajo në një postim në Instagram krahas një selfie në banjë. “E di që njerëzit mendojnë për mirë, por këto ‘komplimente’ më risjellin problemet e mia me të ngrënin me të cilat kam jetuar për dekada.

Margolin, një terapiste fëmijësh dhe trajnere prindërimi, dëshiron të normalizojë një ide: të mos komentohet trupi i një gruaje shtatzënë - në një mënyrë ose në tjetrën. “Kur shohim një person shtatzënë, le t’i anashkalojmë komentet për përmasat e tyre”.

Kur mbeti shtatzënë, ajo u detyrua të përballej me frikën e saj më të madhe. Ishte e tmerruar që trupi i saj do të bëhej më i madh, sepse ai 'zëri i vogël' me të cilin e ka programuar shoqëria, po pëshpëriste: "Tani po bëhesh më pak e bukur".

Qëllimi i postimit të saj intim është t'u kujtojë të tjerëve që të dërgojnë një mesazh ndryshe: se të gjithë trupat janë të bukur... dhe se kështu nuk ka nevojë as të komentohet mbi to. "Nga dikush që ka kaluar nëpër torturat dhe vuajtjet e përpjekjes për të kapërcyer rrathët e standardeve të bukurisë së shoqërisë, më bëni këtë nder: mos komentoni për trupat në përgjithësi, shtatzënë apo jo.”

Ajo madje ofroi një sugjerim se çfarë të thuhet në vend të kësaj. "Kur sheh një person shtatzënë, thuaj këtë: "Më vjen mirë që po të shoh! Si ndihesh?" dhe lëre me kaq."