Angela Martini flet për arrestimin e bashkëshortit, pas 3 vjetësh heshtje

Bashkëshorti i Angela Martinit ka qenë një protagonist në mediat shqiptare, rumune, por edhe të vendeve të tjera për shkak të problemeve të tij me ligjin. Nga ana tjetër, modelja shqiptare ka preferuar të qëndrojë në heshtje gjatë gjithë kësaj kohe.

Ndërkohë që kanë kaluar 3 vjet që bashkëshorti i saj, Dragos Savulescu përballet me këto çështje, Angela ka vendosur të reagojë vetëm sot me një video të shkurtër në Instagram, përkrah së cilës shkruan:

“Forca jonë si çift është se ne e dimë që DASHURIA është superfuqia më e madhe! Kjo na bën gati të përballemi me këtë abuzim dhe ta luftojmë atë!

Kjo është e vërteta dhe unë kam heshtur për 3 vjet për të, por pas një abuzimi tjetër kaq të madh që sapo ndodhi: MJAFT! MJAFT! Unë mendoj se të gjithë kanë të drejtë të thonë të vërtetën dhe duhet të luftojnë për drejtësinë e vërtetë!

P.S. Meqë ra fjala, ne jemi shumë të lumtur që jemi në shtëpi!”

Për herë të fundit, Savulescu u arrestua në Mykonos rreth një muaj më parë, por më pas u la i lirë nga autoritetet greke, pasi u verifikua se çështja e tij është mbyllur në Itali.