Kek me granola, receta e thjeshtë dhe e shijshme nga Mirela Andoni

Nëse doni të gatuani një kek, por të ketë shije pak më ndryshe nga ç’jeni mësuar, atëherë duhet të provoni patjetër këtë recetë nga Mirela Andoni. Keku me granola është i thjeshtë për t’u bërë dhe shumë i shijshëm.

Përbërësit që ju duhen:

• 120 gr gjalpë

• 120 gr sheqer kallami

• 120 gr miell

• 4 vezë

• 100 gr granola

• 1 dardhë

• 1/2 fryrës keku

• Vanilje

• Kanellë

• Arrë myshk

Mënyra e përgatitjes:

Rrahim në tas gjalpin e butë me sheqerin, shtojmë vezët edhe i rrahim përsëri. Shtojmë miellin, fryrësin, vaniljen, granolën edhe dardhën e copëtuar. E përziejmë edhe e shtrojmë në tavë të lyer me gjalpë. Pjekja në 180 gradë për 40 minuta.