Bikinit e Dua Lipës janë më të veçantat që kemi parë këtë verë

Nuk e dimë çfarë lloj bikinish preferoni, por dimë t’ju themi se rrobat e banjës me të cilat Dua Lipa është shfaqur së fundmi, janë gjithçka veçse të zakonshme.

Këngëtarja me origjinë shqiptare pozoi pranë pishinës e veshur me bikini të vogla që e mbulonin shumë pak, nga GCDS, të thurura me grep, me dizajn gjetheje marijuane dhe luledeleje. Ndërsa pjesa e poshtme me dizajn ylberi përpara dhe me një zemër të kuqe në pjesën e pasme.

Lipa i stiloi bikinit e saj të verdha me një palë syze dielli me ngjyrë rozë të së njëjtës markë, së bashku me një numër të madh unazash po aq të guximshme dhe bizhuteri shumëngjyrëshe me rruaza.

Ah, nëse doni t’i blini, na vjen keq! Modeli është totalisht i shitur.