Veshjet më frymëzuese të një mbretëreshe gjithë stil si Letizia e Spanjës

Gratë mbretërore kanë të paktën një tipar të përbashkët: shijen e rafinuar në veshje. Me siguri që ka një staf që u vjen në ndihmë, por kjo nuk ua heq meritat. Të gjithë i kemi komentuar dhe jemi frymëzuar pafund nga Kate Middleton dhe Meghan Markle, por është edhe një mbretërore tjetër që ka po aq shumë stil sa ato. Po flasim për Mbretëreshën Letizia të Spanjës, e cila dallon për elegancën dhe shijen e hollë në veshjet që zgjedh për çdo paraqitje publike.

Letizia, e cila është 47 vjeç, u martua me mbretin Felipe VI të Spanjës në vitin 2004 dhe, që nga ajo kohë, i ka bërë gjithmonë mediat dhe njerëzit të flasin për pamjen e saj. Shikoni disa prej pamjeve të saj më frymëzuese, mbase gardërobës suaj i duhet pak frymë mbretërore!

Fund ombre me pala korrenti dhe këmishë mëndafshi

Veshje perfekte për në punë ose për një takim të rëndësishëm.

Fustan i gjatë me lule dhe mëngë të fryra

Perfekt për punë ose për të dalë pasdite.

Sërish një fustan me lule, kësaj radhe më ‘casual’

Fustan i gjatë i ngushtë me çizme të gjata dhe një rrip për të theksuar belin

Fustan i gjatë i çarë, që mbyllet me një kopsë

Perfekt për evente.

Kostum rozë

I përshtatshëm për punë ose për një takim të rëndësishëm.

Fund treçereksh me print gjarpri, i kombinuar me bluzë të zezë me mëngë të gjata dhe çizme të gjata, pa harruar rripin

Fustan me kuadrate, me rrip që thekson belin dhe një xhaketë-pelerinë

Fustan dhe një xhaketë e tejdukshme në po të njëjtën ngjyrë

Bluzë bust rozë me pupla, e kombinuar me pantallona të zeza serioze dhe një rrip të zi të hollë në bel

Fustan me jakë bebeje, me mëngë tyli dhe detaje fluturash të qëndisura

Kostum i bardhë me pantallona shumë të gjera nga fundi – një zgjedhje e pagabueshme

Fustan lëkurë me jakë V dhe me një rrip, që sigurisht s’mund të mungojë për ta bërë veshjen edhe më elegante

Bluzë pa mëngë me jakë gjysmë-golf dhe pantallona të lirshme me detaje kopsash në anë

Pallto-fustan, sërish në ngjyrën rozë pudër dhe me printe lulesh

Fustan ngjyrë ulliri me mëngë pelerinë, i kombinuar me stileto me print gjarpri

E gjithë veshja e kuqe, me një golf të zi për ta thyer. Na pëlqen kjo veshje e guximshme

Kuriozë se çfarë do të vishte Mbretëresha Letizia në një festë të Mbretëreshës Elizabeth?

Po në festën e ditëlindjes së Mbretit Willem-Alexander të Hollandës?

Në një darkë gala në Pallatin Mbretëror në Madrid, Spanjë.