Si të përgatisni kek me kakao dhe kanellë, receta nga Sosela Ndina

Përbërësit që ju duhen:

• 1 vezë mesatare, në temperaturë ambienti

• 80 gr sheqer

• 50 ml vaj

• 100 ml qumësht, në temperaturë ambienti

• 1 lugë gjelle lëng limoni

• 140 gr miell

• 50 ml lëng portokalli

• 1 lugë gjelle kakao

• 1/2 lugë çaji pluhur pjekje

• 1/4 lugë çaji sodë buke

• 1 majë gishtash kripë

• 1 lugë çaji kanellë

Mënyra e përgatitjes:

Si fillim, përzieni qumështin me lëngun e limonit dhe lëreni mënjanë 5 minuta. Rrihni vezët me sheqerin derisa të krijohet një masë kremoze, për 5 minuta. Shtoni qumështin, vajin, lëngun e portokallit dhe përziejeni masën. Bashkoni në një tas të gjithë përbërësit e thatë duke i përzier me një lugë. Hidheni gradualisht duke e situr te masa e lëngshme. Përziejini sa të krijohet një masë homogjene.

Lyeni 1 tepsi me diametër 15 cm me gjalpë dhe vishni pjesën e bazës me letër pjekjeje. Hidheni brumin në të dhe futeni të piqet në furrë të nxehur më parë në 180° C për rreth 30 min ose derisa të rezultojë i thatë brenda (bëni provën me një kunjë dhëmbësh). Nxirreni nga furra dhe lëreni të ftohet në temperaturë ambienti. Më pas, ruajeni të mbuluar me një enë tjetër.