Ish i dashuri nuk e lë rehat Demi Lovato-n, e kritikon ashpër me komente në rrjetet sociale

Lidhja e Demi Lovato-s me aktorin Max Ehrich nuk zgjati shumë, por për aq sa zgjati u përfol dhe vazhdon të diskutohet edhe tani që u bë disa kohë që janë ndarë. Madje që vëmendja të mos largohet nga lidhja e tyre tashmë e përfunduar, kujdeset vetë Max. Rikujtojmë që javë më parë, ai u fotografua duke qarë në breg të detit, në të njëjtin vend ku i kishte propozuar Demi-t.

Dhe të gjithë mendonin se fotot ishin bërë me qëllim.

Ndërsa tani, disa ditë pasi Demi bëri shaka për lidhjen e saj me Max në People Choice Awards, ky i fundit nuk ka mundur ta kalojë në heshtje këtë gjë.

“Ky vit ka qenë tre vitet më të gjata të jetës sime. Mos më keqkuptoni, filloi shumë mirë. Unë interpretova në Grammy dhe këndova himnin kombëtar në Super Bowl. Por më pas goditi COVID-19 dhe gjithçka u mbyll, kështu që unë bëra atë që bënë të gjithë të tjerët. U izolova dhe u fejova. Pashë shtatë sezone të Pretty Little Liars, prisha fejesën dhe shkova të kërkoj alienë në shkretëtirë. Pak a shumë si gjithë të tjerët", -u shpreh Demi.

Max zgjodhi foton e fundit të Demit për t’i thënë dy fjalë, të cilat s’mund t’ia thoshte dot privatisht. Kjo është fotoja në fjalë, ku Demi duket se thjesht po përpiqet të shikojë punët e saj dhe të tregojë prerjen e re të flokëve.

Max shkroi dy komente, duke i kërkuar Demit që të ndalonte së foluri për të në shfaqjet e ndarjes së çmimeve dhe pastaj e akuzoi për shfrytëzimin e ndarjes së tyre, duke thënë se shfrytëzimi i ndarjes për vëmendje në PCA nuk ishte gjë e mirë.

Demi nuk ka reaguar pas këtye komenteve, por ajo që duket qartë është se në këtë mes dikush tjetër po kërkon vëmendje me çdo kusht.