Reçel fiku me vetëm dy përbërës, receta nga Erida Kabashi

Kush nuk e pëlqen reçelin?! Për më tepër që është zgjidhja perfekte për një mëngjes të shpejtë. Po sikur t’ju themi që reçeli i fikut është shumë më i thjeshtë për t’u bërë sesa e kishit menduar? Ju duhen vetëm 2 përbërës, fiq dhe sheqer.

Recetën e sjell Erida Kabashi.

Ju duhen:

- 3 kg fiq

- 1,5 kg sheqer

I ziejmë fiqtë ngadalë për 3-4 orë, pasi u keni shtuar edhe sheqerin. Po, vetëm kaq! Për ta ruajtur reçelin përdorni disa kavanozë.

Sterilizoni kavanozët më parë dhe pasi t’i mbushni, mbyllini kapakët mirë dhe i vloni përmbys përreth 1 minutë në mënyrë që të mbyllen mirë. Kështu e keni gati për gjithë dimrin.