Si funksionojnë lavamanët e Kim Kardashian – më të çuditshmit që kemi parë

Kur Kim Kardashian West u shfaq në videon '73 Pyetjet e Vogue', mundëm t’i hidhnim një sy shtëpisë së saj minimaliste. Shumë njerëz mbetën të hutuar kur panë lavamanët e saj të çuditshëm. Lavamanët e Kim janë shumë ndryshe nga lavamanët e zakonshëm. Më konkretisht, ja si duken ata.

Shumë njerëz po pyesnin si funksiononin saktësisht lavamanët dhe besojmë se edhe ju keni të njëjtën pyetje në mendje.

Fillimisht, vlen të theksohet se lavamanët janë projektuar nga vetë Kanye (me ndihmën e arkitektit Claudio Silvestrin dhe dizajnerit Axel Vevoordt), gjë që shpjegon pse ata janë kaq të çuditshëm.

Kim dhe Kanye preferuan që lavamani të ishte në mes të banjës, sepse sipas tyre duket më bukur kështu. Sa i përket formës së lavamanit, mund të duket si një sipërfaqe e sheshtë, por në fakt nuk është. Sipërfaqja ka një pjerrësi të vogël dhe një çarë ku bie uji. Kështu, mund ta kryejë funksionin po aq mirë sa lavamanët që të gjithë kemi në shtëpi.

Një gjetje gjeniale, bravo Kanye!