Kryeministri Rama lajmëron: Fundjava e lirë për gjithçka, kush do të lejohet të bëjë plazh

Pas deklaratës së ministres së Shëndetësisë, Ogerta Manastirliu, për planin e hapjes pas 1 qershorit, Kryeministri Rama ka lajmëruar edhe për fundjavën.

“Kjo fundjavë do të jetë e lirë për qytetarët dhe bizneset hapur, përfshirë edhe lokalet (jashtë) apo plazhet vetëm për banorët e qyteteve bregdetare, ndërsa dalja nga zonat e kuqe, e ndaluar deri të hënën” - shkruan Kryeministri në faqen e tij zyratre.

Gjatë deklaratës së saj, në një dalje publike, ministrja Manastirliu sqaroi se do të hapen dhe të gjitha aktivitetet e ndaluara deri më tani, përveç transportit publik apo ceremonitë martesore.