Dhurata që Ledioni i bëri Lorit është mikrotrendi që ka fiksuar të gjitha vajzat

Në një artikull të pak javëve më parë ju kemi treguar për trendin e çantave të dorës që është kthyer në fiksimin e ndjekëseve të modës. Mikro-çantat e famshme të markës Jacquemus duket se po i shohim gjithnjë e më shumë nga vajzat e famshme dhe kushtojnë jo pak. Çmimet e çantave fillojnë nga 258 dollar më e vogla e deri mbi 516 më të mëdhatë (nëse mund t’i quajmë të mëdha).

Versioni më i vogël i çantës

Kjo çantë mungonte në koleksionin e çantave të Lori Hoxhës, por Ledioni mendoi për të. Për kunatën e tij, ai zgjodhi versionin pak më të madh të çantës në ngjyrë të kuqe. Lori e ka ndarë me ndjekësit dhuratën duke e shoqëruar edhe me një përshkrim epik.

“Ledioni më dhuroi këtë çantë që të fus të gjitha gjërat për të cilat shqetësohem”, -ka shkruar ajo.

Çmimi i kësaj çante është 516 dollar, por nëse doni ta blini po ju themi se nuk ka më gjendje në faqen zytare të Jacquemus.