Justin dhe Hailey i thanë ‘Po’ njëri-tjetrit për të dytën herë. Dalin fotot e para nga dasma

Ashtu siç ishte bërë me dije disa kohë më parë, Justin Bieber dhe Hailey Baldwin kurorëzuan dashurinë e tyre me martesë për të dytën herë. Ndryshe nga viti i kaluar, kur ata u martuan në një ceremoni private, dje çifti organizoi një dasmë ashtu siç e kishin ëndërruar, me 150 të ftuar, mes tyre edhe shumë personazhe të famshëm. Ceremonia u mbajt në Palmetto Bluff, një hotel privat në Karolinën e Jugut, që ata e kishin marrë me qira. Konkretisht bëhet fjalë për këtë hotel.

Ndërsa kjo është kishëza ku ata i thanë sërish “Po” njëri-tjetrit.

Miqtë dhe të ftuarit kanë ndarë disa shkrepje në rrjetet sociale, mes tyre dy foto të Hailey-t, një ku mbante veshur një xhiboks lëkurë, ku shkruhej “bashkëshorte” me gurë të ndritshëm dhe një tjetër ku dikush e masazhonte pasi dasma kishte përfunduar.

Ndërsa shkrepje zyrtare nga ceremonia ende nuk ka, megjithatë në rrjet po qarkullojnë disa foto jo shumë të qarta, ku çifti duket nga larg. Në ndryshim nga ç’kishte postuar në Instagram, Justin u shfaq me një kostum tradicional të zi, të cilin me sa kuptojmë nga shkrepjet e postuara nga të ftuarit, e ndërroi më vonë me një kostum të bardhë. Ndërsa nga veshja e Hailey-t arrijmë të dallojmë vetëm se ka zgjedhur një fustan me vello dhe me shpatullat jashtë.

Mezi presim fotot e tjera për të parë fustanin e nuses. Për momentin po mjaftohemi me këto pamje.