Pasi të shikoni dollapin e çantave të Kylie Jenner mundet vetëm të 'qani' me ne

Unë kam 2-3 çanta të markave të njohura në dollapin tim dhe ato janë blerë me kursimet e mia. Mund të kem lënë menjanë shumë gjëra të tjera, për t'i blerë këto çanta, mirëpo ndonjëherë fiksimi për çantat dhe veshjet është tejet i madh sidomos tek vajzat. Gjithsesi, ato që kemi unë dhe ti që po e lexon këtë artikull, nuk janë asgjë krahasuar me dollapin e Kylie Jenner-t. Ajo ka një pasuri çantash të mbledhura së bashku.

Ylli i serialit "Keeping Up with Kardashians" ka ndarë në Youtube një video 3 minutëshe, ku ju tregon fansave të daj, dollapin e çantave, të cilin e ka ndërtuar me porosi. (Duket në fakt si një muze më shkëlqim)

Para se ta shikoni këtë video, me siguri po mendoni "Kjo është shumë" dhe keni të drejtë. Mirëpo, cila nga markat është e preferuara e saj? Kylie tregon se nëse shtëpia e saj do të digjej nga zjarri ajo do të shpëtonte këtë çantë të Hermès Birkin.

Ndërkohë këtë çantën tjetër Hermès rozë të theksuar e ka dhuratë nga motra e saj, Kourtney.

"Ajo nuk do t'ia dijë shumë për dhuratat e Krishlindjeve, prandaj më dha këtë çantë dhe për mua është shumë speciale",-thotë Kylie.

Kris Jenner nga ana tjetër, ua dha vajzave të saj, Kendall dhe Kylie-t, këto çanta të Louis Vuitton, kur ato ishin shumë të vogla.