Aurela Hoxha shkëlqen në Kanë, por fustanin e saj ia kemi parë edhe Rihanna-s
Cilës i shkon më shumë?
Edhe vipat e njohur shqiptarë kanë qenë pjesë e Festivalit të Kanës. Personazhe të njohur të ekranit kanë parakaluar në tapetin e kuq, duke dhënë më të mirën e tyre në paraqitje. Njëra prej tyre ka qenë edhe blogerja e njohur Aurela Hoxha. Ajo ka zgjedhur që në këtë parakalim të shkëlqente më një fustan të verdhë saten, mjaft provukues të markës Balenciaga. Duke qenë se fustani ishte i thjeshtë (deri diku), Aurela i kushtoi një rëndësi ndryshe grimit. Edhe pse shpesh shfaqet me grim natyral, në Kanë, Aurela kishte realizuar një grim të rënduar.
E gjithë pamja e saj ishte mjaft e kuruar dhe Aurela shkëlqeu. Mirëpo, ajo çfarë u kuptua menjëherë ishte se fustanin e verdhë e kishte veshur edhe dikush tjetër më parë. Ai personazh nuk është dikush i zakonshëm, por vetë Rihanna. Në Grammy Awards 2014 Rihanna zgjodhi të njëjtin fustan të Balenciaga-s. Tashmë që i keni parë të dyja vajzat, cilës mendoni se i shkon më shumë?
