Anjeza Shahini publikon foton e ëmbël me të bijën nga festa e ditëlindjes së saj

Me siguri që kjo ka qenë ditëlindja më kuptimplotë për të! Sepse dhuratën më të bukur dhe motivin më të qenësishëm për t'u ndier plot dhe e bekuar ajo e ka në krahë: të bijën Victoria Kelis Connolly. Këngëtarja e njohur shqiptare, Anjeza Shahini që prej disa vitesh është zhvendosur në Britaninë e Madhe, pas martesës me diplomatin Paul Edward Conolly në vitin 2015-të, ka përjetuar shumë ndryshime të bukura vitet e fundit.

Por, qershia mbi tortë është absolutisht e bija, e cila u dha statusin e prindërve për të parën herë vetëm pak muaj më parë. Lumturinë e madhe të të bërit nënë, Anjeza e ka ndarë edhe virtualisht me ndjekësit e shumtë në rrjetet sociale. E ndërsa, në datë 4 Maj ajo ka festuar ditën e lindjes, artistja ka vendosur që vetëm dje të publikojë disa foto të këndshme nga festa mes miqsh e familjarësh të ngushtë të çiftit atje.

Krahas detajeve, nga dekori i bukur tek momenti i fryrjes së qirinjve të tortës, Anjeza ka vendosur që të bëjë edhe një falenderim publik, në formën edhe të një dedikimi në këtë ditë speciale për të. "Ditëlindja më e bukur dhe më kuptimplotë. Ju falenderoj shumë për të gjitha urimet që më keni dërguar”, shkruan ajo në dixhiturën e fotos.

Dhe ka të drejtë! Kjo është ditëlindja më e bukur për të, që e gjen më të plotësuar se kurrë në të gjitha rolet e jetës: si bashkëshorte, si nënë, si artiste, etj.