Elgit Doda pozon pranë një femre nudo, po Klea çfarë mendon?

Nuk ka ngurruar aspak Rezarta Shkurta që të postojë një foto të mikut të saj, kompozitorit Elgit Doda. Me siguri, ajo është bërë nostalgjike duke hapur arkivat e vjetra të fotove, dhe në mesin e tyre ka gjetur njërën më pikanten. Aty, Elgiti shfaqet në krahë të një modeleje, që ka pozuar tërësisht e zhveshur, por e kthyer me shpinë. Mësohet se vajza në fjalë, është modelja Elena Dibra dhe fotot janë realizuar në një kontekst vërtet artistik.

Edhe ju mund t'a dalloni që në kurrizin e modeles janë në formën e tatuazhit të pikturuara telat e violinës dhe dy f-të e saj, ndërsa Elgiti shfaqet bashkë me modelen nudo, në një foto që me siguri ka për autore vetë Rezarta Shkurtën. "Kur hap arkivat për të rishikuar fotot e vjetra...”, shkruan Rezarta në foton që ka postuar në Instastory, e të cilën e ka ndarë publikisht me të gjithë ndjekësit virtual.

Fotoja i takon vitit 2014-të dhe aty mund të dallohet qartë edhe Elgiti, më i vogël në moshë! Për momentin, fotoja e veçantë ka bërë xhiron e portaleve shqiptare, por ne jemi kurioz të dimë se çfarë ka menduar Klea, pasi e ka parë atë? Ku i dihet!