Grabitja në Rinas/ Policia jep versionin zyrtar, si u vra njëri prej grabitësve
Çfarë ndodhi sot në Rinas?
Policia e Shtetit ka reaguar zyrtarisht pas grabitjes në aeroportin e Rinasit, ku pak orë më parë dyshohet se u grabitën rreth 2 milionë euro. Sipas burimeve jozyrtare, shifra mund të jetë edhe më e madhe
Policia e Shtetit sqaron se persona me maska kanë hyrën në pistën e aeroportit nga dera e zjarrfikëseve dhe më pas kanë grabitur punonjësit e kompanisë private, e cila po transportonte paratë.
Mësohet se nga ndjekja e policisë ka pasur shkëmbim zjarri dhe ky është vrarë njëri prej grabitësve.
Informacion paraprak
Pak orë më parë, pranë aeroportit ndërkombëtar “Nënë Tereza”, në Rinas, dyshohet se disa persona ende të paidentifikuar, me maska dhe armë pasi kanë thyer derën e rrethimit që përdoret nga shërbimet zjarrfikëse, kanë grabitur një sasi lekësh në pistën e avionit dhe janë larguar. Në ndjekje të tyre janë vënë forcat e FNSH-së dhe ato të Policisë Kufitare të Rinasit.
Gjatë ndjekjes, në një rrugë dytësore, autorët kanë shkëmbyer zjarr me policinë, e gjatë këtij shkëmbimi ka humbur jetën njëri prej autorëve të grabitjes. Policia ka gjetur ndërkohë dhe bllokuar një mjet fugon. Forca speciale policore si RENEA e FNSH, të ndihmuara nga një helikopter, janë ende në ndjekje të autorëve të grabitjes. Të angazhuara në operacionin e gjerë janë edhe forca nga Policia e Tiranës, Lezhës, Dibrës e Durrësit./panorama/
