Sakrificën që duhet bërë për të realizuar një foto romantike na e tregon Klea me Elgitin
Elgiti paska këputur mish!
Të gjithë dëshirojmë që momentet e bukura t`i kemi të memorizuara me foto. Megjithatë, jo çdo gjë shkon siç duhet dhe prapaskenat e fotove ndonjëherë nuk janë aq perfekte sa vetë fotoja. Një rast të tillë na e ka treguar sot Klea Huta me anë të një fotoje të postuar në Instastory.
Teksa ndodhen në një vend piktoresk, larg zhurmës së qytetit dhe pranë qetësisë së natyrës, Klea dhe Elgiti kanë dashur të realizojnë një foto romantike. Ashtu siç ndodh zakonisht, për të realizuar një foto të bukur nuk është dhe aq e thjeshtë dhe ndonjëherë duhet të bësh sakrifica. Këtë herë sakrificën duhet ta bënte Elgiti, i cili është munduar ta ngre Klean në krahë, por nga mimika e fytyrës së tij kuptojmë që s`paska qenë aspak e lehtë.
“Epo, gjithë ky peizazh, gjithë kjo kohë e bukur, do të bësh një foto romantike dhe befas ai kupton që je bërë sa një derrkuc. Më fal për mishin e këputur, shpirt”, -ka shkruar Klea mbi foto.
