Shtrëngata shiu dhe reshje dëbore, moti sjell surpriza në fillim të javës
Nesër troket moti i ftohtë
Fillimi i javës do të rikthejë reshjet e shiut në të gjithë vendin. Sipas IGJEUM, pasditja e së dielës është shoqëruar me reshje të dobëta, por duke filluar nga e hëna, pritet që i gjithë territori të përfshihet nga reshje shiu dhe dëbore.
Nesër, në shumicën e qarqeve reshjet do të arrijnë deri mesatare, ndërsa në qarqet Vlorë dhe Gjirokastër do të jenë intensive. Reshjet do të shoqërohen me shtrëngata në disa qarqe, ndërsa në veri dhe në lindje të vendit, në zonat mbi 400 m mbi nivelin e detit, reshjet pritet të jenë në formën e dëborës.
TEMPERATURAT
E hënë, dt.17, temperaturat minimale dhe maksimale të ajrit pritet të arrijnë:
Në bregdet: 6 / 12 °C
Në vendet e ulëta: 4 / 8 °C
Në vendet malore: -4 / 5 °C
ERA
Nesër, e hënë, dt.17, era pritet të fryjë e lehtë deri mesatare, ndërsa në bregdet deri e fortë.
