Neda Balluku nga spitali, falenderon stafin mjekësor: Çfarë ka ndodhur me të?
Neda Balluku ka shqetësuar ndjekësit me një postim të papritur nga spitali, duke lënë të kuptohet se së fundmi është përballur me një problem shëndetësor.
Përmes një mesazhi në rrjetet sociale, ish-opinionistja e “Big Brother VIP Albania” ka falënderuar publikisht stafin e Spitalit Francez në QSUT për kujdesin dhe profesionalizmin e treguar ndaj saj.
“Shumë mirënjohëse dhe faleminderit nga zemra Spitalit Francez në QSUT dhe veçanërisht doktor Tedi Minarollit, doktoreshë Migenës, mjekut anestezist doktor Arbrit dhe stafit të infermierëve, Nushi, Marjeta dhe vajzat e djemtë për praninë dhe profesionalitetin”, ka shkruar Neda.
Megjithatë, ajo nuk ka treguar se çfarë ka ndodhur konkretisht dhe as arsyen që e ka çuar në spital.
Përmendja e mjekut anestezist ka ngritur dyshimet se mund t’i jetë nënshtruar një ndërhyrjeje mjekësore, por ky mbetet vetëm një hamendësim, pasi Neda nuk ka dhënë asnjë detaj mbi diagnozën apo trajtimin që ka marrë.
Në fund të postimit, ajo ka zgjedhur të flasë në mënyrë të përgjithshme për sfidat që sjell jeta, pa zbuluar më shumë për gjendjen e saj aktuale.
Mbetet e paqartë nëse bëhet fjalë për një shqetësim të papritur apo një procedurë të planifikuar. Për momentin, i vetmi informacion i konfirmuar prej saj është falënderimi për ekipin mjekësor që i ka qëndruar pranë.
