Lotina publikon foton e parë të Mozzik me djalin e tyre

Lotina Haziri ka ndarë me ndjekësit një nga momentet më të ëmbla të ditëve të para si nënë, duke publikuar për herë të parë një fotografi të Mozzik me djalin e tyre të porsalindur, Oz.

Në imazhin e postuar në Instagram, reperi shfaqet i buzëqeshur teksa mban me kujdes vogëlushin në krahë, në një moment të qetë familjar.

Krahas fotografisë, Lotina ka zgjedhur vetëm dy fjalë për të përmbledhur emocionet e këtij kapitulli të ri:

“My forever”, që do të thotë “Përgjithmonë”.

Mozzik dhe Lotina u bënë prindër më 16 tetor, ndërsa ardhja në jetë e Oz shënoi fëmijën e parë të çiftit së bashku.

Për Lotinën kjo është eksperienca e parë e mëmësisë, ndërsa Mozzik është gjithashtu baba i Hanës, vajzës nga marrëdhënia e mëparshme me reperen Loredana Zefi.

Me fotografinë e fundit, Lotina ka hapur një dritare të vogël drejt jetës së tyre të re familjare, duke treguar për herë të parë Mozzik në rolin e babait pranë djalit të tyre.